Kareaga Goikoa Haur eta Lehen Hezkuntzako D ereduko ikastetxe publikoa da. Basauri herrian kokatuta dago, El Kalero auzoan, Bilbo Handia eskualdean.

Gure ikastetxea auzoko eskola da, eta familia askorentzat, seme-alabak eskolatzeko, lehenengo erreferentea izaten da. Aldi berean, gurasoek hainbat modutan hartzen dute parte eskolako kudeaketan.

 Kareaga Goikoa lerro bakarreko eskola da, 230 ikasle ingururekin. 20 bat irakaslez osatutako klaustro egonkorra dugu, eta irakasle guztiok  hartzen dugu parte urteko formazioan.

Gure printzipioek eskolaren nortasuna adierazten dute: eskola euskalduna, inklusiboa, ekologikoa eta berritzailea da; bizikidetza eta hezkidetza bultzatu eta pertsonaren garapen integrala sustatzen duena.

Hala, 1997.urtean, Emakunde euskal Erakundearen Hezkuntzako arloko 1.saria jaso genuen, Haur Hezkuntzan eta Lehen Hezkuntzan errespetuzko jarrerak eta bizikidetza eta hezkidetza balioak lantzeko materialak sortzeagatik.

 2014. urtean " Eskola Jasangarria" agirialortu genuen eta 2023. urtean berriztu dugu.

Kareaga Goikoa eskolak berrikuntzarekin, hezkuntza-hobekuntzarekin eta, zehazki, gaitasun digitala garatzearekin konpromisoa du. Hori dela eta, Plan Digitala sortu dugu, diagnostiko batetik abiatuta, bi urte hauetan garatu beharreko gure helburuak eta helburu horiek lortzeko egin beharreko jarduerak adierazita.

Azken ikasturte hauetan, Eleaniztasun eta STEAM proiektuetan parte hartu dugu. Horri esker, metodologia berrietan trebatuta jarraitu ahal izan dugu, ikasgeletara eraman, eta hezkuntza-lege berriek bultzatutako hezkuntza-ildo berri horiekin bat datozen material berriak sortu ahal izan ditugu.